ஒரு துளி ஆன்மீகம் ...

ஆரோக்கியத்தில் ஒரு துளி...

ஒரு துளி ஆன்மீக அன்பர்களுக்கு நமஸ்காரம்...

பிரிவு: யோகாசன குறிப்புகள் {Yoga Tips}

தலைப்பு: கணையத்தைத் தூண்டி சர்க்கரை நோயை விரட்டும்  அபூர்வ 'மண்டூகாசனம்' !  (தவளை நிலை)

சமஸ்கிருதத்தில் 'மண்டூகம்' என்றால் 'தவளை' என்று பொருள். நமது புராணங்களில், மண்டூக முனிவர் {Sage Manduka} என்ற மாபெரும் முனிவரைப் பற்றிய குறிப்புகள் உண்டு. ஒரு தவளை எப்படி எந்தவித சலனமும் இன்றி, தன் சுவாசத்தை உள்ளே அடக்கி ஆழ்ந்த அமைதியில் இருக்கிறதோ, அதேபோல் மண்டூக முனிவர் தவமியற்றி அபாரமான மன உறுதியையும், ஆன்மீக சக்தியையும் பெற்றார்.

மாண்டூக்ய உபநிடதம் {Mandukya Upanishad} இவரால்தான் அருளப்பட்டது என்று கூறப்படுகிறது.  உபநிஷதங்களில் மிகவும் சிறியதும், ஆனால் தத்துவ ரீதியாக மிகவும் ஆழமானதும் இந்த மாண்டூக்ய உபநிஷதம் ஆகும். 

சுதபஸ் என்ற முனிவரே, துர்வாச முனிவரிடம் தவளையாக மாறக்கடவது  என்ற சாபம் பெற்ற காரணத்தால், மண்டூக முனிவர் என்று ஆனார். 

சுதபஸ் முனிவர் (மண்டூக முனிவர்) மன்னிப்பு கேட்க, துர்வாசர் சாந்தமடைந்து, "வைகை ஆற்றில் தவம் செய்தால், சித்திரை மாதம் பௌர்ணமிக்கு மறுநாள் சுந்தரராஜப் பெருமாள் (கள்ளழகர்) வந்து உனக்கு சாப விமோசனம் அளிப்பார்" என்றார். அதன்படியே, வைகை ஆற்றில் (தற்போதைய தேனூர் மண்டபம் அருகே) பலகாலம் தவம் இருந்த முனிவருக்கு, அழகர் தனது கருட வாகனத்தில் வந்து சாப விமோசனம் அளித்தார்.

இவருக்கு சாப விமோசனம் கிடைத்த இடமே நமது மதுரை கள்ளழகர் தேனூர் மண்டபம் ஆகும். 

ஆன்மீக ரீதியாக, இந்த ஆசனம் நமது வயிற்றுப் பகுதியில் உள்ள மணிப்பூரகச் சக்கரத்தை {Manipura Chakra} நேரடியாகத் தூண்டி, நமது உடலின் அக நெருப்பை {Jatharagni} சமநிலைப்படுத்துகிறது.

எப்படிச் செய்வது ?

1. தரையில் ஒரு விரிப்பு விரித்து, வஜ்ராசனத்தில் {Vajrasana - Thunderbolt Pose} முழங்காலிட்டு அமரவும். {முதுகுத்தண்டு நேராக இருக்க வேண்டும்}.
2. உங்களின் இரண்டு கைகளின் பெருவிரல்களை உள்ளே வைத்து, மற்ற நான்கு விரல்களால் மூடி இறுக்கமாக முட்டி போடவும் {Fist / ஆதி முத்திரை}.
3. இந்த இரண்டு கைகளின் முட்டிகளையும், உங்களின் தொப்புளுக்கு {Navel / Belly Button} இருபுறமும் சரியாக வைக்கவும்.
4. இப்போது மூச்சை நன்றாக உள்ளே இழுத்து, பின் மூச்சை முழுமையாக வெளியே விட்டவாறே, உடலை முன்னோக்கி வளைத்துத் தலையால் தரையைத் தொட முயற்சிக்கவும்.
5. சுவாசத்தைக் கவனிக்கும் முறை {Breath Awareness}:
   இந்த நிலையில் உங்களின் கைகள் வயிற்றுப் பகுதியை நன்றாக அழுத்துவதை உணர்வீர்கள். கண்கள் நேராகப் பார்த்தபடி இருக்க வேண்டும். குனிந்த நிலையில் மூச்சை அடக்கக் கூடாது; மிக மெதுவாக இயல்பான சுவாசத்தில் {Normal Breathing} 15 முதல் 30 வினாடிகள் வரை இருக்கவும். பின் மூச்சை உள்ளிழுத்தவாறே மெதுவாகப் பழைய நிலைக்குத் திரும்பவும்.

ஆரம்பநிலையாளர்களுக்கான எளிய முறை {Beginners Variation}:

முட்டி போட்டு அழுத்துவது ஆரம்பத்தில் கடினமாக இருந்தாலோ அல்லது வயிற்றில் அதிக வலி ஏற்பட்டாலோ, வலது உள்ளங்கையின் மீது இடது உள்ளங்கையை வைத்து, அதைத் தொப்புளின் மீது வைத்து எளிமையாகக் குனியலாம்.

பயிற்சி செய்யும் நேரம் {Timing & Empty Stomach Rule}:

இந்த ஆசனம் வயிற்றை நேரடியாக அழுத்துவதால், காலை வெறும் வயிற்றில் மட்டுமே செய்ய வேண்டும். ஒருவேளை மாலையில் செய்வதாக இருந்தால், மதிய உணவு அருந்தி குறைந்தது 4 முதல் 5 மணி நேரம் ஆகியிருக்க வேண்டும்.

நன்மைகள்:

• சர்க்கரை நோய் கட்டுப்பாடு {Diabetes Control}: வயிற்றுப் பகுதியில் ஏற்படும் அழுத்தத்தால் கணையம் {Pancreas} மிகச் சிறப்பாகத் தூண்டப்பட்டு, இன்சுலின் {Insulin} சுரப்பு இயற்கையான முறையில் அதிகரிக்கிறது. சர்க்கரை நோயாளிகளுக்கு இது ஒரு வரப்பிரசாதமாகும்.
• செரிமானம் மற்றும் தொப்பை கொழுப்பு {Digestion & Belly Fat}: வயிற்று உறுப்புகளுக்கு சிறப்பான மசாஜ் கிடைப்பதால், செரிமானக் கோளாறுகள் நீங்குவதோடு, தொப்பையில் உள்ள அதிகப்படியான கொழுப்பு {Belly Fat} வேகமாகப் கரைகிறது.
• கல்லீரல் மற்றும் சிறுநீரகம் {Liver & Kidneys}: கல்லீரல் {Liver} மற்றும் சிறுநீரகங்களின் {Kidneys} செயல்பாட்டை மேம்படுத்தி, உடலில் உள்ள நச்சுக்களை வெளியேற்ற உதவுகிறது.

சிறப்புக் குறிப்பு {யாரெல்லாம் தவிர்க்க வேண்டும்?}:

• முதுகு மற்றும் மூட்டு வலி: தீவிரமான முதுகு வலி {Severe Back Pain} அல்லது முழங்கால் மூட்டு வலி {Severe Knee Pain} உள்ளவர்கள் இந்த ஆசனத்தைச் செய்யக் கூடாது.
• அறுவை சிகிச்சை மற்றும் குடல் இறக்கம்: சமீபத்தில் வயிற்றில் ஏதேனும் அறுவை சிகிச்சை செய்தவர்கள், அல்சர் {Ulcer} பிரச்சனை உள்ளவர்கள் மற்றும் குடல் இறக்கம் {Hernia} உள்ளவர்கள் இதைத் தவிர்க்க வேண்டும்.
• கர்ப்பிணிப் பெண்கள்: வயிற்றுப் பகுதியை நேரடியாக அழுத்தும் ஆசனம் என்பதால், கர்ப்பிணிப் பெண்கள் இதைச் செய்யவே கூடாது.

தினமும் காலையில் வெறும் வயிற்றில் 3 முதல் 5 முறை இந்த மண்டூகாசனத்தைப் பழகுங்கள். சர்க்கரை நோய் கட்டுப்பாட்டுக்குள் வந்து, உடலும் மனமும் மண்டூக முனிவரைப் போல அமைதியும் உறுதியும் பெறுவதை நீங்களே உணர்வீர்கள்.

உங்கள் கருத்துக்களை கீழே உள்ள கமெண்ட்ஸ் பகுதியில் பதிவிடுங்கள்...

-----------------------------------------------------------------------------------------------------------------------------

மூட்டு வலி நீங்க எளிய பயிற்சிகள் ...

செரிமானம் மற்றும் உடல் வலிமைக்கான 'வஜ்ராசனம்' செய்வது எப்படி ? அறிவோமா ?

மன அழுத்தம் மற்றும் தூக்கமின்மை நீக்கும் 'பிராண முத்திரை' செய்வது எப்படி ? அறிவோமா ?

-----------------------------------------------------------------------------------------------------------------------------

...இது போன்ற முக்கியமான தகவல்கள் மட்டும் அறிய நமது "ஒரு துளி ஆன்மீகம்" Whatsapp குழுவில் இணைய...புதியவர்களுக்கு மட்டும்....(Only Admin Post) 

இதோ இங்கு கிளிக் செய்யுங்கள்... 

...நமது Youtube Channel ஐ Subscribe செய்யுங்கள்... முக்கியமான தகவல்கள் வீடியோ வடிவில் இலவசமாக உங்கள் மொபைலுக்கு நேரடியாக வந்து சேர்ந்து விடும்... 

இதோ இங்கு கிளிக் செய்யுங்கள்...