தமிழ் புத்தாண்டு பலன்கள் (14-04-2014 முதல் 13-04-2015 வரை) - சிம்மம், கன்னி, துலாம் மற்றும் விருச்சிகம்
நன்றி: தினமலர்
சிம்மம், கன்னி, துலாம் மற்றும் விருச்சிகம்
சிம்மம்: (மகம், பூரம், உத்திரம் 1) ஆடம்பர ஆண்டு! - 65/100
சூரியனை ஆட்சி நாயகனாக கொண்டசிம்ம ராசி அன்பர்களே!
வாழ்க்கையில் எப்பொழுதும் பிரகாசமாகவே காணப்படுவீர்கள். ஆண்டின் தொடக்கத்தில்குருபகவான் மிதுன ராசியில் உள்ளார். அவரால் பொருளாதார வளம் மேம்படும். ஆண்டு முழுதும் மனம் போல ஆடம்பர வாழ்வு வாழ்வீர்கள். தொழில், உத்தியோகம் சிறப்படையும். ஜூன்13ல் குருபகவான் மிதுனத்தில் இருந்து கடகத்திற்கு பெயர்ச்சிஆவதால், நன்மை குறையும். உடல் அலைச்சலும், மனதில் உளைச்சலும் உருவாகலாம்.ராகு சனி பகவானோடு இணைந்து நன்மை தந்து கொண்டிருக்கிறார். இதனால், ஜூன் 21 வரை நன்மை நீடிக்கும். அதன்பின் அவர் கன்னி ராசிக்குபெயர்ச்சியாவதால், பொருளாதார இழப்பும் உண்டாகலாம். கேது ஆண்டு தொடக்கத்தில்மேஷத்தில் உள்ளதால் முயற்சியில் தோல்வியைஏற்படுத்தலாம். ஜூன்21ல் கேது மீனத்திற்குசெல்கிறார். அதன்பின் அவரால் வந்த தடை நீங்கும்.சனிபகவான் தற்போது 3-ம் இடமான துலாமில் உள்ளார். அவர் பொருளாதார வளம், குடும்பத்தில் மகிழ்ச்சி, தொழில் விருத்தியை தந்து கொண்டுஇருக்கிறார். டிசம்பர் 16ல் சனிபகவான் விருச்சிகத்திற்கு மாறுகிறார். இது அவ்வளவு சிறப்பானதல்ல. குடும்பத்தில் வீண் விரோதம் வளரும். ஊர் விட்டு ஊர் செல்லும் நிலை உருவாகலாம். சனி சாதகமற்ற இடத்தில் இருந்தாலும் அவரது 3-ம் இடத்துப்பார்வை சிறப்பானஇடத்தில் விழுகிறது. இது மிகசாதகமான நிலையே. மேலும் தற்போது சனிபகவான் வக்கிரத்தில் இருக்கிறார். கெடுபலன் தரும்நிலையில் ஒரு கிரகம் வக்கிரம் அடைந்தால் நன்மையே உண்டாகும்.குடும்பத்தில் ஜூன்13க்கு பிறகு தம்பதியர் இடையே கருத்துவேறுபாடு வரலாம். ஒருவருக்கொருவர் விட்டுக் கொடுத்து போகவும். புதிய வீடு மனை வாங்கும் யோகம் உண்டு. ஆனால் அதற்காக கடன் வாங்க நேரிடலாம். ஜூன் முதல் வீட்டில் செலவு அதிகரிக்கும். ஆடம்பர செலவைத் தவிர்ப்பது நன்மை தரும். சுபவிஷயத்தில்தாமதம் உண்டாகலாம்.
தொழில், வியாபாரம்: நல்லவளர்ச்சியும், அதற்கேற்ப அதிகலாபமும் கிடைக்கும். புதிய தொழில்தொடங்கும் வாய்ப்புண்டு. அதற்கு வக்கிர காலம் உகந்ததாகஅமையும். பொதுவாகதொழிலுக்கு அதிகமாக முதலீடு செய்வதை விட புத்தியை செயல்படுத்தி அதிக வருமானம் பெறலாம். குடும்பபிரச்னையை மறந்து தொழில் செய்து வந்தால்நல்ல முன்னேற்றம் காணலாம். ஆண்டின்பிற்பகுதியில் அதிகமாக உழைக்க வேண்டியது இருக்கும். சிலர் வியாபாரத்தை ஊர்விட்டு ஊர்மாற்றும் நிலையும் உருவாகும். எதிரிகளால்இடையூறு அவ்வப்போது வரலாம். ஆனால்,எளிதில் முறியடித்து விடுவீர்கள். யாரையும் நம்பி பணத்தை ஒப்படைக்க வேண்டாம்.
பணியாளர்கள்: பணியில் நல்ல முன்னேற்றம்உண்டாகும். அதிகாரிகளின் ஆதரவு சீராகக்கிடைக்கும். சிலருக்கு விரும்பிய இடமாற்றம்கிடைக்கும். சம்பள உயர்வும் உண்டு. வேலை இன்றி இருப்பவர்கள் நல்ல வேலை கிடைக்கப்பெறுவர். ஜூன்13க்கு பிறகு பணிச்சுமையைச்சந்திக்க வேண்டியதிருக்கும். அதிகாரிகளிடம்அனுசரித்து போவது நல்லது. உங்கள் பொறுப்புகளை வேறு யாரிடமும் ஒப்படைக்க வேண்டாம். சிலர் வேலை நிமித்தமாக தற்காலிகமாககுடும்பத்தை விட்டு பிரியும் நிலை உருவாகும்.
கலைஞர்கள்: சிறப்பான முன்னேற்றம் காண்பர்.புதிய ஒப்பந்தம் கிடைக்கும். ஆண்டின் பிற்பகுதியில்கலைஞர்கள் தொழிலில் கடின முயற்சி எடுக்கவேண்டியதிருக்கும்.
அரசியல்வாதிகள்: மக்கள் மத்தியில் செல்வாக்குடன் திகழ்வர். பலனை எதிர்பார்க்காமல் உழைக்கவேண்டியதிருக்கும்.மாணவர்கள்: இந்த கல்வி ஆண்டில் முதல் மாணவராகத் திகழ்வர். நல்ல மதிப்பெண் கிடைக்கும்.அடுத்த கல்வியாண்டில்முயற்சி எடுத்து படிக்க
வேண்டியதிருக்கும்.ஆசிரியர் அறிவுரையைப் பின்பற்றி நடப்பதுநல்லது.
விவசாயிகள்: உழைப்புக்கு ஏற்ப வருமானம் காண்பர். நெல், கோதுமை, கடலை,எள் போன்ற பயிர்களில் நல்ல மகசூல் கிடைக்கும். மே மாதத்திற்கு பிறகு வழக்கு விவகாரத்தில் சாதக பலன் கிடைக்காது. புதிய வழக்குஎதிலும் சிக்க வேண்டாம்.
பெண்கள்: உற்சாகமாக வாழ்வில் ஈடுபடுவர். குழந்தைகளின் வளர்ச்சி கண்டு பெருமிதம் கொள்வர். விருந்து,விழா என சென்று வருவீர்கள். உறவினர்களிடம் கொஞ்சம் விட்டுக் கொடுத்துச் செல்வது நல்லது.உடல் நலம் சுமாராக இருக்கும்.உஷ்ணம், தோல், தொடர்பானநோய் உண்டாகலாம்.
கன்னி:
(உத்திரம் 2,3,4 அஸ்தம், சித்திரை 1,2) ஏழரைச்சனி போயே போச்சு! - 75/100
புதனை ஆட்சி, உச்சனாக கொண்டகன்னி ராசி அன்பர்களே!
உங்களின் மென்மையான போக்கால்அனைவரையும் கவருவீர்கள். பசுமை நிறைந்தஉங்கள் வாழ்வில், கடந்த சில ஆண்டுகளாக எண்ணற்ற கஷ்டத்தை அனுபவித்து வந்தீர்கள். அதற்கு காரணம் முக்கிய கிரகங்கள் எதுவும் சாதகம் இல்லாமல் இருப்பதே. இந்த ஆண்டு பிற்பகுதியில் நன்மை வரத் தொடங்கும்.ஆண்டின் தொடக்கத்தில் குரு பகவான் மிதுன ராசியில் இருக்கிறார். அவரால் பொருள் நஷ்டம், மன சஞ்சலம் ஏற்படலாம். ஜூன்13ல் குருபகவான் மிதுனத்தில் இருந்து லாபஸ்தானமான கடகத்திற்கு மாறுகிறார். இது சிறப்பான இடம். இதனால், பொருளாதார வளம் மேம்படும். உத்தியோகம் சிறக்கும். புதிய பதவி கிடைக்க யோகமுண்டு.நிழல் கிரகமான ராகு தற்போது சனிபகவானோடு 2ம் இடத்தில் இணைந்திருக்கிறார். இதனால் அவரால் நன்மை தர முடியாது. ஆனால் குருபகவானின் பார்வை அவர்கள் மீது விழுவதால் கெடுபலன்உண்டாகாது. ஜூன்21ல் ராகு உங்கள் ராசிக்குவருகிறார். அதுவும் சிறப்பான இடம் என்று சொல்ல முடியாது. இதனால், உடல் உபாதையும், உறவினர் வகையில் மனக்கசப்பும் ஏற்படலாம்.
கேது தற்போது 8ம் இடமான மேஷத்தில்இருக்கிறார். இதுவும் நல்லதல்ல. உஷ்ணம், பித்தம், மயக்கம், சளி போன்ற தொந்தரவு அடிக்கடிவரலாம். ஜூன் 21ல் கேது 7ம் இடத்திற்கு வருகிறார். அங்கும் அவரால் நன்மை கிடைக்காது. அலைச்சல் அதிகரிக்கும். மனவேதனை உண்டாகும். மனைவி வகையில் பிரச்னை வரலாம். அதேநேரம் குருவின் பார்வை கேது மீது விழுவதால் கெடுபலன் குறையும்.சனிபகவான் 2-ம் இடமான துலாமில் உள்ளார். அவர் குடும்பத்தில் பிரச்னை ஏற்படுத்துவார். பொருள் களவுபோக நேரிடும். பொருளாதார இழப்பு உண்டாகும். தற்போது சனிபகவான் வக்கிரத்தில் சிக்கி இருப்பதால் அவரால் சிறப்பாக செயல்பட முடியாது. வக்கிரநிலையிலும், அதே துலாம் ராசியிலேயே இருப்பதால் கெடுபலன் நடக்காது. டிச. 16ல் சனிபகவான் துலாமில் இருந்து விருச்சிகத்திற்கு இடப்பெயர்ச்சியாகிறார். இது சிறப்பான வகையில் நன்மை வாழ்வில் ஏற்படும். முயற்சி அனைத்தையும் வெற்றி அடைய செய்வார். பொருளாதார வளம் மேம்படும். தொழிலில் சிறந்தோங்கச் செய்வார்.
தொழில், வியாபாரம்: தொழிலில் அலைச்சலுக்கு குறைவிருக்காது. புதிய வியாபாரத்தை ஆரம்பிக்கலாம். தொடக்கத்தில் பொருள் விரயம்ஏற்பட வாய்ப்புண்டாகும். அரசிடம் எதிர்பார்த்த சலுகை கிடைக்காது. ஜூன் மாதம் முதல் வருமானம் அதிகரிக்கும். பகைவர் கூட உங்களை உணர்ந்து சரண் அடைவர். கொடுக்கல் வாங்கல் சிறப்பாகஇருக்கும். திறமை மேம்படும். அரசின் உதவிகிடைக்கும். வேலை இன்றி இருப்பர்கள் சுய தொழிலை ஆரம்பிக்க வாய்ப்புண்டு. ஆண்டின் இறுதியில் லாபம் பன்மடங்கு அதிகரிக்கும்.
பணியாளர்கள்: பணிச்சுமை அதிகரிக்கும். அதிகாரிகளிடம் அனுசரித்து போகவும். சிலருக்கு விரும்பாதஇடமாற்றம் ஏற்படலாம். ஜூன் மாதத்திற்குப் பிறகு நன்மையான பலனை எதிர்பார்க்கலாம். வேலையில் இருந்து வந்த தடை, திருப்தியின்மை அடியோடு மறையும். வேலையில் புதிய தெளிவு பிறக்கும்.அதிகாரிகளின் ஆதரவு கிடைக்கும். சக ஊழியர்களும் உதவிகரமாக இருப்பர். பதவி உயர்வு, சம்பள உயர்வு போன்றவை கிடைக்கும். சிலர் அதிகாரஅந்தஸ்துக்கு உயர்த்தப்படுவர். வேலை இன்றி இருப்பவர்களுக்கு நல்ல சம்பளத்தில் புதியவேலை கிடைக்கும்.
கலைஞர்கள்: தொடக்கத்தில் சுமாரான பலனைகாணலாம். புதிய ஒப்பந்தம் பெற விடா முயற்சி தேவைப்படும். ஜூன் மாதம் முதல் கலைஞர்கள் எளிதில் புதிய ஒப்பந்தம் கிடைக்கப் பெறுவர். பாராட்டு, விருது போன்றவை கிடைக்கும்.
அரசியல்வாதிகள்: அரசியல்வாதிகள் சீரான நிலையில் இருப்பர். தொண்டர்களின் ஆதரவு நல்ல முறையில் கிடைக்கும். பொது மக்களிடையே நற்பெயர்கிடைக்கும்.
மாணவர்கள்: இந்த கல்வி ஆண்டில் அக்கறையுடன் படிக்க வேண்டும். முயற்சிக்கு தகுந்த பலன்கிடைக்காமல் போகாது. அடுத்த கல்வி ஆண்டுசிறப்பானதாக அமையும். விரும்பிய நிறுவனத்தில் படிக்கும் வாய்ப்பு கிடைக்கப்பெறுவீர்கள். படிப்பில் பளிச்சிடுவீர்கள். சிலர் வெளிநாடு சென்றுபடிக்கும் யோகத்தைப் பெறுவர்.
விவசாயிகள்: விவசாயத்தில் சிறப்பானமகசூலும், நல்ல வருமானமும்கிடைக்கும். புதிய சொத்து வாங்க யோகமுண்டு. வழக்கு விவகாரங்கள் சாதகமாக சூழல் அமையும். எதிர்பார்த்த நல்ல தீர்ப்பு கிடைக்கும்.
பெண்கள்: குடும்ப வாழ்வில் குதூகலம் காண்பர். குழந்தை பாக்கியம் பெறுவர். புத்தாடை அணிகலன்கள் வாங்கலாம். ஆண்டின் பிற்பகுதியில் முன்னேற்றமான பலன் கிடைக்கும். பிறந்த வீடு, உறவினர் வகையில் இருந்த பிரச்னை மறையும். உடல்நலம் சிறப்பாகஇருக்கும். உஷ்ணம், தோல்,தொடர்பான நோய் பூரண குணம் அடையும். பயணப்பீதி மறையும்
துலாம்:
(சித்திரை 3,4, சுவாதி, விசாகம் 1,2,3) வீடு வாங்கலாம்! - 65/100
சுக்கிரனை ஆட்சி கிரகமாகக் கொண்ட துலாம் ராசி அன்பர்களே!
நீங்கள் கலை ஆர்வம் மிக்கவர்களாகஇருப்பீர்கள். நீதி, நேர்மை எப்பக்கம் இருக்கிறதோ அப்பக்கம் சாய விரும்புவீர்கள். உங்கள் நட்புகிரகங்களான செவ்வாய், கேது ஆகியோர் சாதகமற்ற சூழ்நிலையில் இருக்க, இந்த புத்தாண்டுபிறக்கிறது. ஆனால், ஜூலை முதல் சுப மங்களமாக இருக்கும். இந்த ஜய வருடத்தில் உங்கள் ராசிக்குதற்போது 9-ம் இடமான மிதுனத்தில் குரு உள்ளார். அவர் குடும்பத்தில் பல்வேறு முன்னேற்றங்களை தந்து மகிழ்ச்சி அடையவைப்பார். ஜூன்13ல், குரு பகவான் மிதுனத்தில் இருந்து கடகத்திற்கு மாறுகிறார். 10ம் இடமான அங்கு அவர் பொருள் நஷ்டத்தையும், மன சஞ்சலத்தையும் ஏற்படுத்தலாம். சவால்களை சமாளிக்க வேண்டியிருக்கும்.ராகு தற்போது சனிபகவானோடு இணைந்து உங்கள் ராசியில் இருக்கிறார். அவர் உடல் உபாதையையும், உறவினர்கள் வகையில் வீண்மனக்கசப்பையும் தரலாம். ஆனால், அவர்கள் மீது குருபகவானின் பார்வை விழுவதால் பெரிய அளவு கெடு பலனை தரமாட்டார்கள். ஜூன்21ல்,ராகு 12ம் இடமான கன்னிக்கு மாறுகிறார். அதனால்வெளியூர் பயணம் ஏற்படலாம்.
கேது தற்போது 7ம் இடமான மேஷத்தில் இருக்கிறார். அவரால் அலைச்சல், மனவேதனை, மனைவி வகையில் தொல்லை வரலாம்.
ஜூன்21ல், அவர் மீனத்திற்கு சென்று நன்மை தருவார். பொருளாதார வளம் அதிகரிக்கும். பகைவர்களின் தொல்லையில் இருந்து விடுபடலாம். அபார ஆற்றல் பிறக்கும்.சனிபகவான் உங்கள் ராசியில் இருக்கிறார்.இது ஏழரை சனியின் உச்Œகட்ட காலம்தான். இதனால் உடல் உபாதைகள், உறவினர் வகையில் வீண்மனக்கசப்பு வரலாம். ஆனால், தற்போது அவர்வக்கிரத்தில் இருக்கிறார். வக்கிர காலத்தில் அவரால் சிறப்பாக செயல்பட முடியாது. சாதகமற்ற நிலையில் இருக்கும் அவரால்சிறப்பாக செயல்பட முடியாதது உங்களுக்கு சாதகமான பலனையே தரும். சனிபகவான் தான்நிற்கும் இடத்தில் இருந்து 3,7,10-ம் இடங்களை பார்ப்பார்.
அந்தவகையில்அவரது 3ம் இடத்துப்பார்வை சிறப்பாக அமைந்துள்ளது. டிசம்பர் 16ல், சனிபகவான் விருச்சிகத்திற்கு மாறுகிறார். சனி 2-ம்இடத்தில் இருக்கும் போது குடும்பத்தில் பிரச்னைகளைஉருவாக்குவார். பொருளாதார இழப்பு ஏற்படும். ஆனால், சனிபகவானின் 10-ம் இடத்துப் பார்வை உங்களுக்கு சிறப்பாக அமைந்துள்ளது. அதன் மூலம் சில நற்பலன்கள் கிடைக்கும்.எந்தச் செயலையும் வெற்றிகரமாக நிறைவேற்றலாம். தடைகள் அகலும். பொருளாதார வளம் சிறப்பாக இருக்கும். செலவுகளும் ஏற்படும். உங்கள் மீதான அவப்பெயர்மறையும். செல்வாக்கு மேலோங்கும். அக்கம்பக்கத்தினர் உங்களைப் புகழ்வர். ராகுவால் வரும் தடைகளை எளிதில் முறியடிக்கலாம்.குடும்பத்தில் மகிழ்ச்சி அதிகரிக்கும். ஆடம்பர பொருட்களை வாங்கலாம். திருமணம் போன்ற சுப நிகழ்ச்சிகள் ஆண்டின் தொடக்கத்தில் கைகூடும். அதுவும் நல்ல வரனாக அமையும். தம்பதியினரிடையே அன்பும், பாசமும் மேம்படும்.குழந்தை பாக்கியம் கிடைக்கும். விருந்து, ஜூன்13 முதல் வீட்டில் சிற்சில பூசல்கள் வரலாம். விட்டுக் கொடுத்து போகவும். செப்டம்பர், நவம்பரில் வீடு, மனை வாங்க யோகம் உண்டு.
தொழில், வியாபாரம்: வியாபாரிகள் அதிகமாக உழைக்க வேண்டியிருக்கும். கூட்டாளிகளிடையே ஒற்றுமை ஏற்படும். உங்களிடம் வேலை பார்ப்பவர்கள் நம்பிக்கையுடன் இருப்பர். அரசிடம் எதிர்பார்த்த உதவிகள் தொடக்க காலத்தில் கிடைக்கும். இது ஏழரை சனி காலம் என்பதால், புதிய தொழில் வேண்டாம். யாரையும் நம்பி பணத்தைஒப்படைக்காதீர்கள். அரசு வகையில் சலுகைகளை எதிர் பார்க்க முடியாது.
பணியாளர்கள்: உத்தியோக மாற்றம் கிடைக்கும். சக ஊழியர்கள் உதவிகரமாக இருப்பர். ஜூன் முதல் வேலைப்பளு மேலும் அதிகரிக்கும். மேல்அதிகாரிகளிடம் அனுசரித்து போகவும். சிலர் வீண் மனக் குழப்பத்தினால் வேலையில் ஆர்வமில்லாமல் இருப்பர். போலீஸ், ராணுவத்தில் இருப்பவர்கள் முன்னேற்றம் காண்பர்.
கலைஞர்கள்: புதிய ஒப்பந்தம், புகழ், பாராட்டு கிடைக்கும்.
அரசியல்வாதிகள்: ஓரளவே மேம்பாடு காணலாம். பிரதிபலனை எதிர்பார்க்காமல் உழைக்க வேண்டியிருக்கும்.
மாணவர்கள்: இந்த கல்வி ஆண்டு சிறப்பாக இருக்கும். நல்ல மதிப்பெண் பெறலாம். அடுத்த கல்வியாண்டில்அதிக முயற்சி எடுத்து படிக்க வேண்டும்.
விவசாயிகள்: நெல், கோதுமை சோளம், மொச்சை சிறப்பைத் தரும். ஜூன் முதல் அதிக செலவு பிடிக்கும் பயிர்களை தவிர்க்கவும்.செப்டம்பர் முதல் நவம்பர் வரை நிலக்கடலை மற்றும் கிழங்குபயிர்கள் நல்ல மகசூலைத் தரும்.இந்தக் காலக்கட்டத்தில் புதிய நிலம் வாங்கலாம்.
பெண்கள்: பணநிலையில்முன்னேற்றம் காண்பர்.பிள்ளைகளால் பெருமை கிடைக்கும்
விருச்சிகம்:
(விசாகம் 4, அனுஷம், கேட்டை) சுமாரான ஆண்டு! - 70/100
செவ்வாயை ஆட்சி நாயகனாகக் கொண்ட விருச்சிக ராசி அன்பர்களே!
வீரத்திற்கும், தீரத்திற்கும் சளைக்காதவர்கள்நீங்கள். எதிரிகளை எளிதில் அடையாளம் கண்டு கொள்ளும் வல்லமை படைத்தவர்கள். பரபரப்பும், சுறுசுறுப்பும் உங்கள் உடன்பிறப்பு. இந்த ஜயவருடத்தில், குரு பகவான் 8-ம் இடமான மிதுன ராசியில் இருக்கிறார். இது சிறப்பானது அல்ல. அங்கு பொருள் விரயத்தையும், வீண்விரோதத்தையும் தரலாம். ஜூன்13ல், அவர்மிதுனத்தில் இருந்து 9ம் இடமான கடகத்திற்குமாறுகிறார். அப்போது, அவர் குடும்பத்தில்பல்வேறு முன்னேற்றங்களை தந்து மகிழ்ச்சி அடைய வைப்பார்.ராகு தற்போது சனிபகவானுடன்இணைந்திருக்கிறார். அவருடன் சேர்ந்துபிற்போக்கான பலனையே தருவார். ஆனால்,அவர் மீது குருவின் பார்வை விழுவதால்கெடுபலன்களின் தாக்கம் இருக்காது. மேலும், ஜூன் 21ல், ராகு இடம்மாறி 11-ம் இடமானகன்னிக்கு செல்கிறார். அங்கு சென்ற பின்நன்மைகள் தருவார். பொன், பொருள் கிடைக்கும். மகிழ்ச்சியும், ஆனந்தமும் அதிகரிக்கும். பெண்கள் மிக உறுதுணையாக இருப்பர்.கேது தற்போது 6-ம் இடத்தில் இருப்பது
உங்களுக்கு சிறப்பானது. அவரால் பொன்னும் பொருளும் தாராளமாக கிடைக்கும். காரியஅனுகூலம் ஏற்படும். ஜூன் 21ல் அவர் இடம்மாறி மீனத்திற்கு வருவார். இது சிறப்பான இடம் அல்ல. அங்கு அவரால் எதிரிகளின் தொல்லை வரலாம். உடல்நலம் லேசாக பாதிக்கப்படலாம். சனிபகவான் 12ம் இடமான துலாம்ராசியில் உள்ளார். இது சிறப்பான இடம் என்று சொல்ல முடியாது. சனி 12-ம்இடத்தில் இருக்கும் போது பொருளாதார இழப்பு வரலாம். வெளியூர் பயணம்ஏற்படும். எதிரிகளின் இடையூறுஅவ்வப்போது வரலாம். இதனால்நீங்கள் அஞ்ச வேண்டாம். காரணம் இப்போது சனிபகவான் வக்கிர நிலையில் உள்ளார். வக்கிர காலத்தில் அவரால் சிறப்பாக செயல்பட முடியாது.சாதகமற்ற கிரகம் செயல்படமுடியாமல் போவது உங்களுக்கு சாதகம்தானே!. சனி சாதகமற்ற நிலையில் இருந்தாலும், அவரது 7-ம் இடத்து பார்வை மூலம் அவர் நல்ல பொருளாதார வளத்தைக் கொடுப்பார்.பகைவர்களை எதிர்கொள்ளும்ஆற்றல் கிடைக்கும். டிசம்பர் 16ல், சனிபகவான் துலாமில் இருந்து உங்கள் ராசிக்கு மாறுகிறார். இது ஏழரை சனியின் உச்கட்ட காலம். இதனால் உடல் உபாதைகள் வரலாம். உறவினர்கள் வகையில் வீண்மனக்கசப்பு ஏற்படும். வெளியூரில் வசிக்க வேண்டிய நிலை ஏற்படும் என்றும் ஜோதிடம் கூறுகிறது.
சனிபகவான் தான் நிற்கும் இடத்தில் இருந்து 3,7,10-ம் இடங்களை பார்ப்பார். அந்த வகையில் அவரது 3-ம் இடத்துப்பார்வை சிறப்பாக அமைந்துள்ளது.
தொழில், வியாபாரம்: தொழில், வியாபாரத்தில் தற்போதைய வருமானத்திற்கு பாதிப்பிருக்காது. அதேநேரம், ஏழரை சனி காலம் என்பதால் எதிலும் அதிக முதலீடு போடவேண்டாம். புதிய தொழிலும் வேண்டாம். இருப்பதை சிறப்பாக நடத்தினாலே போதும். கூட்டாளிகள் இடையே ஒற்றுமைஏற்படும். ஜூன் 21க்கு பிறகு அரசு வகையில்
எதிர்பார்த்த அனுகூலம் கிடைக்கும். எதிரிகள்தொல்லை இருக்கத்தான் செய்யும்.
பணியாளர்கள்: சம்பள உயர்வு உள்ளிட்டவற்றை இப்போது எதிர்பார்க்க முடியாது. டிரான்ஸ்பர் கிடைக்கும். குடும்பத்தை விட்டு வேறு இடத்தில் பணியாற்ற வேண்டி வரும்.
கலைஞர்கள்: தொடக்க காலத்தில் சுமாரானபலனையே காண்பர். சிரத்தை எடுத்தே புதியஒப்பந்தங்களை பெற வேண்டியதிருக்கும். ஆனால் ஜூன்13க்கு பிறகு வசதியுடன் வாழ்வீர்கள். புதிய ஒப்பந்தங்கள் கிடைக்கும். புகழ் பாராட்டு வரும். சிலர் அரசிடம் இருந்து விருது பெறவாய்ப்பு உண்டு.
அரசியல்வாதிகள்: மேம்பாடு ஏற்படும்.பதவியும், பணமும் கிடைக்கும்.
மாணவர்கள்: இந்த கல்வி ஆண்டு கஷ்டப்பட்டு படிக்க வேண்டியதிருக்கும். அடுத்த கல்வி ஆண்டில் வெற்றி எளிதாகும். நல்ல மதிப்பெண் வாங்கலாம்.
விவசாயிகள்: சிறப்பான ஆண்டு. நெல், சோளம் போன்ற வகைகளில் அதிக மகசூல் கிடைக்கும். ஜூன் மாதத்திற்குப் பிறகு கிழங்கு வகைகள், நிலக்கடலை போன்ற பயிர்களில் நல்ல மகசூலை பெறலாம். வழக்கு விவகாரங்கள் சாதகமாக இருக்கும்.
பெண்கள்: வேலைக்கு செல்லும் பெண்கள்மிகவும் பளுவை சுமக்க வேண்டிய திருக்கும். ஜூன் 13க்கு பிறகு குதூகலமான பலனைக் காணலாம்.கணவரின் அன்பு கிடைக்கும். உடல் நலனில் அக்கறைகாட்டவும். ஆண்டின்பிற்பகுதியில்சரியாகி விடும். சிலர் மனத்தளர்ச்சியுடன் காணப்படுவர்.
தனுசு:
(மூலம், பூராடம், உத்திராடம்1) ஏற்றமும் இல்லை, தாழ்வும் இல்லை 65/100
குரு பகவானை ஆட்சி கிரகமாக கொண்ட தனுசு ராசி அன்பர்களே!
இந்த ஆண்டு சீரான பலனை காணலாம். அதிக ஏற்றமும் இல்லாமல், தாழ்வும் இல்லாமல் இருக்கும். உங்கள் ஆட்சி நாயகனான குரு, உங்கள் ராசிக்கு7-ம் இடமான மிதுனத்தில் உள்ளார். இது சிறப்பான அம்சம். அங்கு அவரால் பல நன்மைகள் கிடைக்கும். குடும்பத்தில் மகிழ்ச்சியை அதிகரித்து சுப நிகழ்ச்சியைத் தருவார். செல்வாக்கு மேம்படும். பணப்புழக்கம் அதிகரிக்கும். தேவைகள் பூர்த்தியாகும். ஜூன்13ல், அவர் மிதுனத்தில் இருந்து கடகத்திற்கு மாறுகிறார். இது சிறப்பானது அல்ல. அங்கு பொருள் விரயத்தையும், வீண் விரோதத்தையும் தரலாம்.ராகு தற்போது 11ம் இடமான துலாமில்,சனிபகவானோடு இணைந்து இருக்கிறார். அவரோடு இவரும் சேர்ந்து நன்மை தருவார். அவரால் பொன், பொருள் கிடைக்கும். மகிழ்ச்சியும், ஆனந்தமும் அதிகரிக்கும். பெண்கள் மிக உறுதுணையாகஇருப்பர். ஜூன் 21ல், ராகு 10-ம் இடமான கன்னிக்கு மாறுகிறார். இது சிறப்பான இடம் அல்ல. அங்கு பொல்லாப்பையும், பெண்கள் வகையில்தொல்லைகளையும் தரலாம். கேது தற்போது 5-ம் இடத்தில் இருக்கிறார். இது சிறப்பான இடம் அல்ல. இதனால் எதிரிகளின் தொல்லை வரலாம். உடல்நலம் லேசாகபாதிக்கப் படலாம். பிள்ளைகள் நலனில் அக்கறை தேவைப்படும். கேது ஜூன் 21-ந் தேதி கேது 4-ம் இடமான மீனத்திற்கு மாறுகிறார். இதன் மூலம்
தீயோர் சேர்க்கைக்கு ஆளாகி அவதியுறலாம். உடல் நலம் பாதிப்பு வரலாம்.பயணத்தின் போது சற்று கவனம் தேவை. சனிபகவான் தற்போது 11-ம்இடமான துலாமில் உள்ளார். இது சாதகமான இடம். பல்வேறுநன்மைகளைத் தர உள்ளார். அவரால் பொன், பொருள் கிடைக்கும். தற்போது சனிபகவான் வக்கிரம் அடைந்துள்ளார். இதனால் அவரால் உங்களுக்கு சாதகமாக முழுமையாக செயல்பட முடியாமல் போகும். அதேநேரம், அவர் வக்கிரம் அடைந்தாலும் துலாம் ராசியில்தான் இருக்கிறார். இதனால் பாதக முடிவு அதிகம் இருக்காது. எனவே கவலை வேண்டாம். டிசம்பர் 16ல், இவர் துலாமில் இருந்து விருச்சிகத்திற்கு மாறுகிறார். இது சிறப்பான இடம் என்று சொல்ல முடியாது.சனி 12-ம் இடத்தில் இருக்கும் போது பொருளாதார இழப்புவரலாம். வெளியூர் பயணம்ஏற்படும். எதிரிகளின்இடையூறு அவ்வப்போதுவரலாம். அதற்காக, நீங்கள் அஞ்ச வேண்டாம்.காரணம், சனி சாதகமற்ற நிலையில் இருந்தாலும்சனியின் 7-ம் இடத்து பார்வை மூலம் நல்ல பொருளாதார வளத்தைக் கொடுப்பார். பகைவர்களை எதிர்கொள்ளும் ஆற்றல் கிடைக்கும்.குடும்பத்தில் மகிழ்ச்சி அதிகரிக்கும். வீட்டுக்கு தேவையான வசதிகள் கிடைக்கும். கணவன்- மனைவி இடையே அன்பும், பாசமும் நீடிக்கும். மனைவி வகையில் இருந்து வந்த ஊடல் மறையும். உறவினர்கள் வகையிலும் பிரச்னை அகன்றுஅன்யோன்யம் பிறக்கும். ஜூன் மாதத்திற்கு பிறகு வீட்டில் சில பிரச்னைகள் வரலாம். உறவினர்கள் வகையில் அனுகூலமான போக்கு காணப்படும்.திருமணம் போன்ற சுப காரியங்கள் தடைபடலாம்.
தொழில், வியாபாரம்: வியாபாரிகளுக்கு லாபம் அதிகரிக்கும். ஆனால் ஓய்வின்றி உழைத்துக் கொண்டே இருக்க வேண்டியிருக்கும். போட்டியாளர்கள் சதியை எளிதில் முறியடிக்கலாம். எதிலும் அதிகமுதலீடு செய்ய வேண்டாம். இருப்பதை சிறப்பாக நடத்தினால் போதும். பணவிரயம், பணம் திருட்டு போன்றவை தடுக்கப்படும். வெளியூர் பயணம் அனுகூலம் தரும். ஜூன் முதல் அரசின் உதவி கிடைப்பது அரிதாகும். புதிய தொழில் தொடங்க வேண்டாம்.
பணியாளர்கள்: ஜூன் வரை சிறப்பான நிலை இருக்கும். புதிய பதவி கிடைக்கப் பெறலாம். மேல் அதிகாரிகளின் அனுசரணை கிடைக்கும். ஜூலை முதல் வேலைப்பளு அதிகரிக்கும். எதிர்பார்த்த பதவி உயர்வு கிடைக்காமல் போகலாம். கோரிக்கைகளை அதிக முயற்சி எடுத்தே நிறைவேற்ற வேண்டியது இருக்கும்.
கலைஞர்கள்: புதிய ஒப்பந்தம் கிடைக்கும். புகழ் செல்வாக்கு உயரும்.
அரசியல்வாதிகள்: கடும் முயற்சி செய்தாலும், பதவி கிடைப்பது சிரமமாகவே இருக்கும்.
மாணவர்கள்: இந்த கல்வி ஆண்டில் மேன்மையும், ஜூன் முதலான அடுத்த கல்வி ஆண்டில் சிரத்தை எடுத்தும் படிக்க வேண்டியிருக்கும்.
Comments
Post a Comment